Real Madridi mund të bëjë një transferim tronditës verën e ardhshme në departamentin defanziv.

Kampioni në fuqi i Evropës duket se është i shqetësuar me kualitetin në mbrojtje ndërkohë që ekzistojnë pak opsione prapa lojtarëve startues – kapitenit Sergio Ramos dhe fituesit të Kampionatit Botëror me Francën – Raphael Varanes, transmeton portali arbresh.info.

Derisa spanjolli Nacho është më shumë se i aftë për këtë detyrë dhe Jeseus Callejo ende një opsion i mundshëm për të qenë gjatë gjithë kohës në fushë në Bernabeu, skuadra në La Liga është duke shikuar edhe për opsione të tjera.

Ylli i Atleticos, Jose Gimenez dhe Samuel Umtiti i Barcelonës janë përmendur në të kaluarën si shënjestra të gjigantit spanjoll, por duket se ata kanë kthyer vëmendjen te Marquinhos i Paris Saint Germainit si një alternativ me shanse të mëdha për sukses gjatë verës së ardhshme.

Edhe pse Varane është vetëm 25-vjeçar, ish lojtari i Lyonit ka nisur me plotë probleme sezonin e ri dhe Real Madridi dëshiron të gjej një zëvendësues afatgjatë të Ramosit, i cili aktualisht ka 32 vjeç dhe së shpejti mund të mos jetë në gjendje të luaj në çdo ndeshje.

Pushimi i kapiteni gjatë disfatës në CSKA Moscow në Ligë të Kampionëve e vërteton këtë./arbresh.info/